سی پی آئی (ایم) نے مسائل کے تعلق سے گورنر کو میمورنڈم بھیجا -

----------- وکاس نگر۔ مارکسی کمیونسٹ پارٹی نے مسلسل بڑھتی ہوئی مہنگائی، بے روزگاری، بھرتیوں کے گھپلوں اور عدالتی احکامات کی آڑ میں تجاوزات کے نام پر کی جانے والی کارروائیوں کے خلاف تحصیل انتظامیہ کے ذریعے گورنر کو ایک میمورنڈم بھیجا ۔ میمورنڈم میں مہنگائی کو فوری طور پر روکنے، بھرتیوں کے گھپلوں میں ملوث افراد کے خلاف کارروائی اور تجاوزات کے نام پر کی جانے والی کارروائیوں کو روکنے کا مطالبہ کیا گیا۔ سی پی آئی (ایم) نے گورنر کو بھیجے گئے میمورنڈم میں کہا کہ بے روزگاروں کو جھوٹے مقدمات درج کرکے پھنسایا گیا ہے۔ عدالتی حکم کی آڑ میں گاؤں کی آبادیوں میں برسوں سے رہنے والے غریب خاندانوں کو بے دخلی کے نوٹس دیے جا رہے ہیں۔ انہوں نے کہا کہ دہرادون ضلع میں زمین گھوٹالے عام ہو گئے ہیں۔ جس میں لینڈ مافیا کے ساتھ سرکاری افسران، ملازمین اور وکلاء کا بھی دخل نظر آرہا ہے جس سے حکومت کے نظام کار پر سوالات اٹھ رہے ہیں۔ انہوں نے کہا کہ ریاست میں اقلیتوں کے تئیں نفرت کی وجہ سے پرولا، رام پور، سبھا والا، وکاس نگر وغیرہ جیسے واقعات کو روکا جائے اور اقلیتوں کے خلاف جھوٹے مقدمات کو بند کیا جائے۔ اس میں مطالبہ کیا گیا کہ بے روزگاروں کو روزگار فراہم کرنے، منریگا کے تحت 200 دن کا کام فراہم کرنے، دیہی علاقوں میں سیلاب سے بچاؤ کے لیے کام کیا جائے۔